Bootcamp for Youth Workers
Þessi handbók er afurð af þriggja ára strategic partnership verkefni FFF, Fritidsforum, Setlementti og Norrænu samtakana í Svíþjóð. Í bókinni má finna 5 kafla sem hugsaðir eru sem grunnfræðsla fyrir æskulýðsstarfsfólk. Með hverjum bókakafla fylgir tímaseðill með æfingum og verkefnum þannig að hægt er að nýta sér tímaseðlana og æfingarnar til þess að kenna innihald bókarinnar. Bókin er á ensku og byggir á reynslu og þekkingu samstarfsaðila verkefnisins.
Okkar sýn er að þessi bók getur nýst æskulýðsstarfsfólki út um allan heim við að auk fagmennsku í æskulýðsstarfi, þjálfa nýja starfsmenn eða skerpa á gildum þeirra sem hafa starfað lengi.
Samstarfsverkefni um fagstarf og siðareglur fagfólks í frístundaþjónustu
Markmið verkefnisins voru að koma á samstarfi milli Eistlands, Íslands og Ástralíu um að styrkja fagmennsku fagfólks í frístundaþjónustu og skoða frekar siðareglur fagfólks í frístundaþjónustu.
Það sem var unnið í verkefninu er:
- Koma á samstarfsvettvangi milli fagfélaga og háskóla í Eistlandi, Ástralíu og Íslandi sem sjá um menntun og þjálfun frístundastarfsfólks.
- Að styrkja fræðin með faglegum og góðum rannsóknum og greiningum. Kortleggja notkun siðareglna í frístundastarfi og fagleika í starfi.
- Að auka þekkingu fagfólks í frístundastarfi á siðareglum og mikilvægi þeirra fyrir starfsumhverfið og framtíð starfsvettvangsins.
- Að veita ráðgjöf og stuðning til fagfólks í frístundaþjónustu.
Þátttakendur í verkefninu voru
- Félag fagfólks í frítímaþjónustu (Ísland),
- Estonian Association of Youth Workers (Eistland),
- Victoria University (Ástralía),
- Youth Workers’ Association (Ástralía).
Þetta verkefni hefur verið styrkt með stuðningi frá Evrópusambandinu Erasmus+ verkefninu.
Í kjölfar verkefnisins voru framleiddar eftirfarandi þrjár rannsóknarskýrslur.
