Náum áttum hópurinn hefur samþykkt erindi Félags fagfólks í frítímaþjónustu að samstarfshópnum. Erindið fékk jákvæða umfjöllun á fundi hópsins og fagfélagið hefur verið boðið velkomið til samstarfs. Náum áttum hópurinn er opinn samstarfshópur um fræðslu- og fíkniefnamál með þátttöku Landlæknisembættisins, Lýðheilslustöðvar, Félags grunnskólakennara, Ríkislögreglustjóra, Barnaverndarstofu, Ný leið ráðgjöf, Rannsóknarstofa um mannlegt atferli - Háskóla Íslands, Forvarnanefnd Reykjavíkurborgar, Félagssvið Akureyrarbæjar, Rauða kross Íslands, Vímulausrar æsku, Bindindissamtakanna IOGT, Forvarnarnefnd Reykjavíkur, Heimilis og skóla, Þjóðkirkjunnar, Lögreglunnar í Reykjavík, Jafningjafræðslunnar og nú Félags fagfólks í frítímaþjónustu. Næsti morgunverðarfundur verður haldinn 31. október á Grand Hótel þar sem m.a. verður fjallað um stefnumótun og aðgerðaáætlanir ríkisins.

Fyrsti fundur stjórnar Félags Fagfólks í Frítímaþjónustu eftir sumarfrí var haldinn þann 23. ágúst. Á fundinum var farið yfir starfsáætlun vetrarins 2007-2008 og önnur verkefni sem eru í gangi frá síðastliðnum vetri, s.s námskeiðin Verndum Þau. Það var ákveðið að halda áfram með hádegisverðafundi í vetur enda góður vettvangur fyrir félagsmenn að stinga saman nefjum og hlýða á áhugaverð erindi yfir léttum málsverði. Heimasíða félagsins var einnig til umræðu, og hvernig við getum bætt hana. Við viljum því hvetja félagsmenn til þess að senda inn efni og koma með ábendingar um áhugaverðar heimasíður til þess að vísa í frá okkar síðu. Stjórn félagsins hlakkar til samstarfsins í vetur og vonandi sjáumst við sem flest á hádegisverðarfundunum sem auglýstir verða síðar! Fyrir hönd stjórnar, Margrét Sigurðardóttir

Uppfærð útgáfa með Æskulýðslögum   Nú hefur Alþingi íslendinga samþykkt ný æskulýðslög. Stjórn félagsins voru á sínum tíma send drögin að lögunum til umsagnar og umfjöllunar. Nú eru þau sem sagt tekið gildi og þætti okkur félagsmaður góður gott ef þú hefur skoðun á nýju lögunum að senda okkur pistil um það. Í framhaldinu er ekki ólíklegt að hádegisverðarfundur félagsins í maí fari í umræður um lögin. Til að vekja fólk til umhugsunar lætur ritstjórn heimasíðunnar eina grein lagana fljóta með. Hvað finnst þér kæri félagsmaður??? Í 3. mgr. er lagt til að óheimilt verði að ráða til starfa hjá aðilum sem 2. gr. frumvarpsins tekur til, og sinna börnum og ungmennum undir 18 ára aldri í æskulýðsstarfi, einstaklinga sem hlotið hafa refsidóm vegna brota á ákvæðum XXII. kafla almennra hegningarlaga, nr. 19/1940. Sá…

Í haust nk. hefst  meistaranám í tómstundafræðum og þroskaþjálfafræðum við Kennaraháskóla Íslands. Þetta mun vera "nýtt" nám við Kennaraháskóla Íslands, þ.e. nýtt skipulag sem meðal annars felst í því að nemendum á öllum brautum gefst nú kostur á að lengja nám sitt í 5 ár og taka meistaragráðu. Því hefst meistaranám í tómstundafræðum haustið 2007. Námið er að sjálfögðu einnig opið öðrum en þeim sem þegar eru í skólanum. Um verður að ræða tveggja ára 60 eininga M.ed. nám, sem hægt er að taka á lengri tíma. Af þessu tilefni mun Vanda Sigurgeirsdóttir kynna námið á hádegisverðarfundi FFF kl. 12.00 á Sólon fimmtudaginn 22. mars. Nú er um að gera og mæta ágætu félagar og fræðast nánar um hvaða möguleikar eru í boði innan okkar geira. Stjórnin

Samantekt frá Félagi fagfólks í frítímaþjónustu vegna námskeiðanna Verndum þau Félag fagfólks í frítímaþjónustu í samstarfi við Menntamálaráðuneytið og höfunda bókarinnar Verndum þau, þær Ólöf  Ásta Farestveit og Þorbjörg Sveinsdóttir eru búin að halda tíu námskeið víðsvegar um landið á tímabilinu 5. október 2006 til 23. janúar 2007. Staðir og dagsetningar: Reykjanesbær 5. október Vesturbyggð 9. nóvember Árborg 16. nóvember ÍTR 23. nóvember Vopnafjörður 4. desember Akureyri 11.-12. janúar fjögur námskeið ÍTR Frístundaheimili Tónabæjar 22. janúar. Heildarfjöldi þátttakenda er 256 manns og meðaltal á námskeiði 26. manns. Samkvæmt úrvinnslu á matsblöðum sem þátttakendur útfylla í lok námskeiða þá fá námskeiðin mjög góða umsögn. Hér að neðan má sjá samantekt í prósentutölu á svari við spurningu eitt á matsblaði. 1.    Hversu gagnlegt telur þú námskeiðið vera fyrir þig sem starfsmann? ( 63% )…

Íslenskuennsla fyrir útlendinga Erindi frá Framvegis – mistöð símenntunar Sem kunnugt er þá veitti ríkisstjórn Íslands 100 milljón krónum til íslenskukennslu fyrir útlendinga. Fyrirkomulag er með þeim hætti að fræðsluaðilar sækja um styrk til námskeiða til menntamálaráðuneytisins. Af samtölum mínum við ráðuneytismenn má ráða að ekki er gert ráð fyrir að námskeið verði að fullu styrkt. Hugtakið króna á móti krónu er sennilega það sem lýsir væntingum ráðuneytisins best. Framvegis- miðstöð um símenntun,  mun þegar á vorönn, ef næg þátttaka fæst og ef af styrkveitingu verður, bjóða upp á námskeið sem sérstaklega verða sniðin að þörfum félagsmanna innan BSRB og innan opinbera geirans. Þegar er ákveðið að sníða eitt námskeið sérstaklega að starfstengdri íslensku í heilbrigðisgeiranum. Varðandi önnur námskeið þá er gert ráð fyrir að þau byggi  fyrst og fremst…

Framvegis – miðstöð um símenntun stendur fyrir nokkrum námskeiðum sem sérstaklega henta starfsfólki í æskulýðsstarfi. Nánari upplýsingar á www.framvegis.is Starfsaðferðir í æskulýðs- og félagstarfi 9 stundir Námskeiðið er ætlað öllum þeim er vinna í félagsstarfi með ungu fólki s.s. í félagsmiðstöðvum, skólum  og öðru félagsstarfi. Farið er yfir helstu aðferðir í hópastarfi og fjallað um helstu kenningar á þessu sviði. Leiðbeinandi: Árni Guðmundsson M.Ed Dagssetningar   13. og 14 febrúar kl 17 – 20. Verð: 13.000 kr. Frá hugmynd til framkvæmdar – verkefnastjórn æskulýðs- og menningarmála 4 stundir Námskeið þetta er tilvalið fyrir alla þá sem hafa með höndum skipulagningu atburða. Á námskeiðinu er tekið fyrir hvernig best er að skipuleggja atburði frá fyrstu hugmynd til framkvæmdar. Leiðbeinandi: Geir Bjarnason B.Ed og forvarnafulltrúi 19. mars  kl. 17:00-20:00 Verð: 6.000 kr. Samskipti við…

Kynningarfundur mun felast í því m.a. að skipuleggja námskeið þar sem höfundarnir munu kynna efni bókarinnar á fræðandi hátt. Efni þessarar bókar kemur okkur öllum við sem komum að uppeldi og velferð barna og ungmenna. Menntamálaráðuneytið með menntamálaráðherra Þorgerði Katrínu Gunnarsdóttur í broddi fylkingar, mun hleypa þessu verkefni formlega af stokkunum með móttöku og blaðamannafundi í Félagsmiðstöðinni Selinu, Seltjarnarnesi, þriðjudaginn 12. september kl. 14.30-15.30 Allir félagsmenn velkomnir!

Til að bregðast við þessari tillögu, sem var samþykkt hafa verið stofnuð “Hollvinasamtök” félagsins. Félagar verða ekki rukkaðir sérstaklega en öllum gert kleift að styrkja heimasíðuna með framlagi upp á 1500.-. Hægt er að gera þetta nafnlaust með því að fara í næsta banka og láta leggja inn á reikningsnúmerið hér fyrir neðan. Einnig er hægt að millifæra af heimabanka hvers og eins. Reikningsnúmer samtakana er: 1135-05-410582  og kennitala félagsins er 690605-3330 Upphafleg tillaga hljóðar svo: “Árgjald helst óbreytt. Skrifleg tillaga: Stofnaður verði kynningar-og markaðssjóður FFF. Við innheimtu á árgjaldi verði félagsmönnum gefin kostur á aðgreiða aukalega 1500kr með sama greiðsluseðli. Gísli Árni og Eygló.” Tillaga samþykkt einróma  

Í gær var opnuð heimasíða samtakanna sem er: www.vimulaus.is. Þar er hægt að nálgast allskyns efni og áhugaverðar greinar sér til lesturs og fróðleiks. Félag fagfólks í frítímaþjónustu sendir hamingjuóskir til samtakanna í tilefni gærdagsins.