Hér fer fram skráning í Svíþjóðarferð FFF sem farið verður í 25. mars 2015. Fimmtán pláss eru laus og er skráningargjaldið 5000 krónur. Sendur verður póstur á alla sem skrá sig og þeir fyrstu 15 beðnir um að millifæra inn á fagfélagið og hinir fá póst um að þeir séu komnir á biðlista.   Loading...

Staða og starfsumhverfi tómstundafræðinga og fagfólks á vettvangi frítímans er viðfangsefni næsta hádegisverðarfundar FFF sem haldinn verður þriðjudaginn 18. nóvember kl. 11:45 á Sólon, Bankastræti 5 í Reykjavík. Guðmundur Ari Sigurjónsson, formaður FFF, Jakob Frímann Þorsteinsson, námsbrautarstjóri tómstunda- og félagsmálafræði við Háskóla Íslands og Andri Ómarsson, formaður Stéttarfélags tómstundafræðinga, munu flytja stutt innlegg og í framhaldi verða almennar umræður um málefnið. Að vanda gefst gestum kostur á að snæða hádegismat á fundinum og hægt er að panta af matseðli Sólon sem ávallt býður upp á rétt dagsins og súpu dagsins á mjög svo viðráðanlegu verði. Gott er að mæta tímanlega og panta matinn áður en fundur hefst. Fundurinn er öllum opinn og félagsmenn því hvattir til að mæta og bjóða með sér vinum, vandamönnum, vinnufélögum eða öðrum áhugasömum um þetta þarfa mál.…

Í tilefni af útgáfu bókarinnar Litli kompás, handbók um mannréttindamenntun fyrir börn á aldrinum 7 – 13 ára, stendur Æskulýðsvettvangurinn og Félag fagfólks í frítímaþjónustu með stuðningi frá mennta- og menningarmálaráðuneytinu fyrir fimm námskeiðum í notkun á bókinni. Litli kompás er handbók um mannréttindamenntun fyrir börn sem nýtist fagfólki í æskulýðsmálum og öllum þeim sem vinna með börnum. Í handbókinni er fjallað um lykilhugtök á sviði mannréttinda og réttinda barna. Kjarni bókarinnar er 40 fjölbreytt verkefni sem byggjast á virkum kennsluaðferðum og er ætlað að hvetja og örva áhuga og vitund barna um mannréttindi í eigin umhverfi. Verkefnin eiga ennfremur að þroska gagnrýna hugsun, ábyrgð og réttlætiskennd og stuðla að því að börn læri að grípa til aðgerða og leggja sitt af mörkum til hagsbóta fyrir samfélagið. Auk þess er…

Fyrsti hádegisverðarfundur FFF fór fram á Sólon þriðjudaginn 9. september sl. og var fundurinn sá fjölmennasti í langan tíma en yfir 50 manns sátu fundinn að þessu sinni. Gestur fundarins var Hrefna Guðmundsdóttir, MA í vinnusálfræði og jákvæðri sálfræði, og fjallaði hún um jákvæða sálfræði í frístundastarfi. Í máli sínu fór Hrefna yfir helstu þætti sem jákvæð sálfræði beinir sjónum að sem og rannsóknum á hamingjunni. Hún fjallaði m.a. um rannsóknir um fylgni ýmissa þátta við hamingju en það hefur m.a. komið í ljós að engin fylgni er milli hamingju og aldurs, kyns, menntunar eða gáfnafars en nokkur fylgni er milli hamingju og félagslífs og líkamlegrar heilsu og mikil fylgni við jákvæðni, þakklæti og að vera oft hrósað. Það kom einnig fram í máli Hrefnu að í Evrópu eru norðlægar…

Á fyrsta hádegisverðarfundi vetrarins sem verður haldinn þriðjudaginn 9. september nk. kl. 11:45 mun Hrefna Guðmundsdóttir, sálfræðingur, fjalla um jákvæða sálfræði í frístundastarfi. Hún mun gefa innsýn í jákvæða sálfræði og hvernig hana má nýta í frístundastarfi. Áhersla verður á að bera kennsl á jákvætt viðhorf, styrkleika og seiglu. Hrefna hefur áralanga reynslu af frístundastarfi hjá Reykjavíkurborg og hefur beint sjónum að mikilvægi þess að efla þátt jákvæðrar sálfræði í starfinu sem og annars staðar. Fundurinn verður haldinn á Kaffi Sólon, Bankastræti 7a í Reykjavík. Fyrirkomulag fundarins er með þeim hætti að Hrefna mun fyrst flytja sitt erindi sem hefst kl. 11: 45 og breyttur fundartími kemur í kjölfar óska frá félagsfólki. Í kjölfar erindisins verða umræður. Undir umræðum mun gestum fundarins verða boðið upp á súpu og brauð í tilefni af…

[caption id="attachment_1772" align="alignright" width="214"] Guðmundur Ari - Formaður FFF[/caption] Nú þegar sumarið fer að líða undir lok og fólk mætir aftur til vinnu eftir sumarfrí þá fer starfsemi Félags fagfólks í frítímaþjónustu á fullt. Við í stjórn FFF ásamt nefndum höfum verið útbúa starfsáætlun fyrir veturinn og hefur hann sjaldan litið jafn vel út. Nú þegar er skráning hafin á námskeið fyrir leiðbeinendur í Reynslunámi en það er haldið í samstarfi við Áskorun ehf og má nálgast frekari upplýsingar hér en örfá sæti eru laus á þetta spennandi námskeið. Í vetur stefnir fagfélagið á að halda 2 hádegisfyrirlestra á önn en þeir hafa verið vel sóttir síðastliðin ár. Fagfélagið mun í samstarfi við Æskulýðsvettvanginn halda fimm námskeið í Litla Kompás víðsvegar um landið á haustönn. Einnig stefnum við á að halda fleiri…